کراچی(این این آئی)ایف بی آر کا کارنامہ انتقال کر جانے والوں کو ٹیکس وصولی کا نوٹس جاری کردیا۔تفصیلات کے مطابق پاکستان ٹیکس بار ایسوسی ایشن کے صدر انور کاشف ممتاز نے چیئرمین ایف بی آر کو ایک مکتوب لکھا ہے۔ اس مکتوب میں انور کاشف ممتاز نے چیئرمین ایف بی آر کی توجہ ادارے کے ناقص اور فرسودہ ڈیٹا بیس کی جانب مبذول کراتے ہوئے انکشاف کیا ہے کہ انکم ٹیکس ریٹرن جمع نہ کرانے والوں کو ایف بی ار کی جانب سے سیکشن 114 کے تحت نوٹسز جاری کیئے گئے ہیں۔ ایف بی آر افسران نے ٹیکس کے نوٹسز کا اجراء سسٹم میں ڈیٹا کو اپ ڈیٹ کئے بغیر کیا ہے۔

ایف بی آر نے انتقال کرنے جانے والیافراد کو بھی ٹیکس وصولی کا نوٹس جاری کردیا۔ نوٹس کا اجرا لواحقین کے لئے باعث پریشانی بنا ہوا ہے۔ پاکستان ٹیکس بات کا کہنا ہے کہ ٹیکس نوٹس ایسے افراد کو بھی جاری ہوا ہے جنہوں نے ٹیکس قانون کی 117 کے تحت انتقال کر جانے اور کاروبار کی بندش یا موت کی اطلاع ایف بی آر کو تحریری طور پر کردی ہے۔ صدر پاکستان ٹیکس بات نے ایف بی آر کو مشورہ دیا ہے کہ وہ پہلے اپنا ڈیٹا بیس کو اپ گریڈ کرے اور آئرس میں تمام معلومات کو اپ لوڈ کرے اس کے بعد نوٹسز جاری کرے، تاکہ عوام کو غیر ضروری پریشانی کوفت سے بچایا جاسکے۔