اسلام آباد (این این آئی)سابق وزیراعلی پختونخوا سردار مہتاب نے مسلم لیگ (ن )سے راہیں جدا کرلیں،آزاد حیثیت میں انتخابات کا لڑنے کا فیصلہ کرلیا ۔ اپنے بیان میں سردار مہتاب نے پارٹی کی صوبائی قیادت پر تحفظات کا اظہار کرتے ہوئے کہاکہ صوبہ میں ن کی قیادت اپنی زات کا سوچتی ہے۔ انہوںنے کہاکہ میاں نوازشریف سے اصولی اختلاف ہیں، مریم نواز سے اختلاف نہیںمگر سیاسی جماعتوں میں جمہوریت ہونی چاہیے۔انہوںنے کہاکہ مسلم لیگ ن میں منافقانہ سوچ اور رویہ اہم ہو گیا ہے، نوازشریف کے پاس کمزور ٹیم،معاشی بحران کا حل مشکل ہے ۔ انہوںنے کہاکہ (ن )لیگ آج پنجاب تک محدود ہو کر رہ گئی ہے ،جب تک جماعت نواز شریف کے پاس تھی مضبوط تھی۔
سردار مہتاب نے کہاکہ میاں نوازشریف سے اصولی اختلاف ہیں ،۔ انہوںنے کہاکہ موجود حلقہ بندیاں بھی میرے خلاف سازش ہیں۔ انہوںنے کہاکہ مسلم لیگ (ن )میں بھی ایسے لوگ شامل ہوگئے ہیں جو منافقانہ رویہ رکھتے ہیں۔سردار مہتاب خان نے کہاکہ مسلم لیگ ن کا خیبر پختونخوا میں ڈھانچہ ختم ہوچکا ہے، سیاسی جماعتوں کا منشور مارکیٹنگ سے زیادہ کچھ نہیں۔
