سرگودھا(این این آئی)ٹوبہ میں میاں بیوی کو کمسن بچی اور معمر ماں سمیت قتل کر دیا گیا۔آئی جی پنجاب نے واردات کا نوٹس لیتے ہوئے رپورٹ طلب کر لی اور ملزمان کی فوری گرفتاری کا حکم دے دیا۔زرائع کے مطابق ٹوبہ ٹیک سنگھ کے محلہ ہیرا کالونی گلی نمبر چار میں موٹر سائیکل سوار مسلح افراد نے گھر پر فائرنگ کر کے ریلوے کے سابق ملازم 60 سالہ عبدالقدیر اس کی 80 سالہ ماں نسیم بی بی، 50 سالہ بیوی فرحت نسرین، 4 سالہ بیٹی نین تارا کو قتل کر دیا گیا اور فرار ہو گے۔

اس وقوعہ کا مقتول قدیر ریلوے کا ریٹائرڈ ملازم کمالیہ کے چک 762 گ ب کا رہائشی ہے جس نے چند سال قبل سے دوسری شادی کر رکھی تھی۔ جن کی نعشیں پولیس تھانہ سٹی ٹوبہ نے تحویل میں لیکر پوسٹ مارٹم ڈی ایچ کیو ھسپتال ٹوبہ منتقل کر دیں۔اس واقعہ کا آئی جی پنجاب ڈاکٹر عثمان انور کا نوٹس لیتے ہوئے آر پی او فیصل آباد سے رپورٹ طلب کرلی اور ڈی پی او ٹوبہ کو ملزمان کی فوری گرفتاری کا حکم دے دیا۔آئی جی پنجاب نے اپنے حکم میں کہا کہ واقعہ کے تمام پہلوؤں کا جائزہ لیتے ہوئے ملزمان کو جلد از جلد گرفتار کیا جائے، اور سپروائزری افسران مقتولین کے لواحقین سے قریبی رابطہ رکھیں تاکہ انصاف کی فراہمی میں کوئی کسر نہ اٹھا رکھی جائے۔