پتوکی(این این آئی) پتوکی نشہ کے پیسے نہ ملنے پر شوہر نے چھریوں کے وار کرکے اپنی بیوی کوقتل کردیا۔علاقہ میں خوف کی فضاء پولیس نے موقع پر پہنچ کر نعش کو اپنی تحویل میں لیکر پوسٹ مارٹم کیلئے ٹی ایچ کیو ہسپتال پتوکی منتقل کردیا ۔تھانہ سٹی پتوکی کے علاقہ زاہد ہاوسنگ سکیم میں 37سالہ شاکر نے اپنی 35سالہ مقتولہ بیوی صفیہ سے نشہ کرنے کیلئے پیسے مانگے تھے مقتولہ کے انکار پر شوہر نے چھریوں کا وار کردیا

جس سے مقتولہ موقع پر دم توڑ گئی ریسکیو 1122کی ٹیمیں اور تھانہ سٹی پتوکی پولیس موقع پر پہنچی اور پولیس نے فرانزک ٹیموں کو شواہد اکٹھے کرنے کیلئے طلب کردیا گیا پولیس نے نعش کو اپنی تحویل میں لیکر ریسکیو ٹیموں کے زریعے ٹی ایچ کیو ہسپتال پتوکی منتقل کردیا تھانہ سٹی پتوکی پولیس نے قاتل شوہر کو موقع پر گرفتار کرکے آلہ قتل برآمد کرلیا مقتولہ پانچ بچوں کی ماں تھی تین بیٹیاں اور دو بیٹے تھے ایس ایچ او تھانہ سٹی پتوکی محبوب عالم نے ان پریس کلب پتوکی کے عہدیداروں کو بتایا کہ واقع کی تحقیقات کی جارہی ہے۔