سرگودھا(این این آئی)پاکستانی نوجوان کی محبت میں گرفتار ہو کر کینڈین سکھ خاتون نے سرگودھا کے علاقہ سلانوالی پہنچ کر عالم دین کے ہاتھوں اسلام قبول کر لیا اور اپنے محبوب سے شادی کر لی جس کو اہل اسلام نے مبارکباد کے ساتھ خوش آمدید کہتے ہوئے اسلامی تعلیمات سے روشناس کر کے اس پر کار بند رکھنے کی تلقین کی۔تفصیلات کے مطابق کینیڈین سکھ خاتون ورپال کوور کی پاکستانی نوجوان حماد سے سوشل میڈیا پر ہونے والی دوستی محبت میں بدل گئی

جس سے محبت میں گرفتار ہو کر کینڈین سکھ خاتون پاکستان آئی اور گزشتہ روز سرگودھا کے قصبہ سلانوالی کے چک 113شمالی میں اپنے محبوب نوجوان حماد کے ساتھ ملاقات کر کے علاقہ کے عالم دین کے ہاتھوں کلمہ طیبہ پڑھ کر اسلام قبول کر لیا جس پر نو مسلم خاتون ورپال کوور کا اسلامی نام فاطمہ بی بی رکھ دیا جس نے اپنے محبوب حماد سے شادی کرلی جس کے بارے معلوم ہوا کہ وہ بیرون ملک اٹلی مقیم تھا کہ ان کی آپس میں دوستی محبت میں تبدیل ہوئی اور اس کے وطن لوٹ آنے پر اس کی محبت میں گرفتار خاتون بھی پاکستان پہنچ گئی جسے اسلام قبول کرکے شادی کرنے پر اہل اسلام نے مبارکباد دیتے ہوئے خوش آمدید کہا اور اسے تعلیمات سے روشناس کرتے ہوئے ان پر کاربند ہونے کی تلقین کی اور اپنے ہر ممکن تعاون کا یقین دلایا۔