ساہیوال( این این آئی)مولانا عبدالحمید بھاشانی نیشنل عوامی پارٹی کے قریبی ساتھی108سالہ بزرگ سیاستدان اور عوامی نیشنل پارٹی ضلع ساہیوال کے صدر حاجی عبد الرشید شیخ نے اپنے ساتھیوں اور برادری سمیت عوامی نیشنل پارٹی سے علیحدگی اور پاکستان پیپلز پارٹی میں شمولیت کا اعلان کردیا۔
انہوں نے یہاں میڈیا کو بتایاکہ نیشنل عوامی پارٹی کے سربراہ مولانا عبد الحمید بھاشانی کی قیادت میں عرصہ 56سال سے کام کررہے تھے،بنگلہ دیش بن جانے کے بعد انہوں نے مغربی پاکستان کی عوامی نیشنل پارٹی کا ساتھ جاری رکھا لیکن اب انہوں نے پیپلز پارٹی کے چیئر مین بلاول بھٹو زرداری کی نوجوان قیادت کو قدر کی نگاہ سے دیکھتے ہوئے کہ وہ پاکستان کے غریب طبقہ کے مسائل کے حل کے اہل ہیں اس لیے انہوں نے اپنے ساتھیوں اور برادری سے مشاورت کے بعد پیپلز پارٹی میں شمولیت کا فیصلہ کیا ۔
