بیجنگ (این این آئی)چین کے شمالی علاقوں میں کورونا کے بعد اب نمونیا کی پراسرار قسم کی بیماری پھیلنے لگی، بیجنگ کے اسکولز میں نمونیا کے کیسز سامنے آنے لگے۔عالمی میڈیا رواں سال موسم سرما میں نمونیا کے تیزی سے پھیلنے کا انکشاف ہوا ہے۔ اس پراسرار سانس کی بیماری کے پھیلائو کے بعد عالمی ادارہ صحت (ڈبلیو ایچ او)نے تفصیلات طلب کرتے ہوئے فوری اقدامات کرنے کی ہدایت کی ہیں۔13 نومبر کو چین کے نیشنل ہیلتھ کمیشن نے ایک پریس کانفرنس کے دوران اس بیماری کے پھیلاو کی اطلاع دی تھی۔

19 نومبر کو آن لائن میڈیکل کمیونٹی پروگرام فار مانیٹرنگ ایمرجنگ ڈیزیزز نے بھی کئی بچوں میں اس قسم کی اطلاع دی گئی جس کی ڈاکٹرز شناخت نہیں کرسکے۔ بیجنگ اور لیاوننگ شہر کے کئی افراد میں یہ انفیکشن تیزی سے پھیل رہا ہے۔ شہر کے ایک بڑے اسپتال نے بتایا ہے کہ اوسطا روزانہ ایمرجنسی روم میں ایک جیسی علامات میں مبتلا ہونے والے تقریبا 1200 مریض علاج کیلئے لائے جارہے ہیں۔