اسلام آباد (این این آئی)آئی جی اسلام آباد ڈاکٹر اکبر ناصر نے بیوٹی پارلر میں چھاپے کے دوران خاتون پر تشدد کے واقعہ کا نوٹس لیتے ہوئے رپورٹ طلب کر لی ہے۔تفصیلات کے مطابق ایس ایس پی آپریشنز نے متاثر ہ خاتون سے ملاقات کے بعد تفتیشی افسر کو طوری طو ر معطل کر تے ہوئے معاملے کی انکوائری ڈی پی او صدر کو 24 گھنٹے میں مکمل کرتے ہوئے رپورٹ پیش کرنے کی ہدایت جاری کر دی ہے۔

متاثرہ خاتون نے الزام عائد کیاہے کہ مجھے معلوم نہیں تھا کہ بیوٹی پارلر غیر قانونی سرگرمیوں میں ملوث ہے ، بیوٹر پارلرگئی تو وہاں پر لڑائی جھگڑے کی آوازیں آنے لگیں، پولیس کے پانچ اہلکاروں نے شدید تشدد کا نشانہ بنایا ، میرے خلاف کوئی ایف آئی آر نہ تھی اور نہ ہی مجھ پر کوئی الزام ہے۔چھاپہ مارکارروائی کرنے والے اے ایس آئی اسحاق چوہدری کا کہناہے کہ چھاپے کے دوران خاتون کو بیوٹی پارلر سے حراست میں لیا گیا ، خاتون پر کوئی ایف آئی آر نہ ہونے اور شریک جرم نہ ہونے پر رہاکر دیا تھا ،خاتون کو تشد د کا نشانہ نہیں بنایا ، الزام تراشی کی جارہی ہے۔