گوجر خان(این این آئی)پاکستان تحریک انصاف کے حلقہ پی پی 9سے سابق ایم پی اے چوہدری ساجد محمود نے بھی پی ٹی آئی چھوڑنے کااعلان کر دیا جبکہ پی ٹی آئی کی سابق ایم پی اے حلقہ پی پی 8چوہدری جاوید کوثر ایڈووکیٹ دبئی روانہ ہو گئے ۔چوہدری ساجدمحمودنے پارٹی چھوڑنے کا اعلان ایک پریس کانفرنس میں کیا ۔

یاد رہے کہ 2018کے جنرل الیکشن میں پاکستان تحریک انصاف کے طرف سے چوہدری محمد عظیم نے حصہ لیا تھا اور 98000ووٹ لیے کر پاکستان پیپلز پارٹی کے امیدوار راجہ پرویز اشرف سے ہار گئے تھے ۔انہوں نے بھی چند روز قبل پاکستان تحریک انصاف چھوڑنے کا اعلان ایک ویڈیو پیغام میں کیا تھا اوراتوارکو چوہدری ساجد نے بھی پارٹی چھوڑنے کا اعلان کر دیا جبکہ پی ٹی آئی حلقہ پی پی 8سے پاکستان تحریک انصاف کے سابق ایم پی اے چوہدری جاوید کوثر ایڈووکیٹ نجی دورے پر دبئی روانہ ہو گئے اور وہاں سے کچھ دنوں کے بعد لندن چلے جائیں گے ۔