کندھ کوٹ (این این آئی)کندھ کوٹ میں تنگوانی کے علاقے میں مسافرکوچ پرڈاکوؤں کی جانب سے فائرنگ کی گئی، ڈاکوئوں نے مسافر کوچ کو اسلحہ کے زور پر یرغمال بنا کرلوٹ لیا۔کندھ کوٹ میں ٹھل انڈس ہائی وے روڈ پر واقعہ پیش آیا ،مسافر کوچ کوئٹہ سے بہاولپور جا رہی تھی،ڈاکو مسافروں سے نقدی ،موبائل فون،زیورات لوٹ کر فرار ہوگئے۔ڈکیتی کرنے کے بعد ڈاکوں فائرنگ کرتے ہوئے فرارہوئے،فائرنگ کے باعث گاڑی کے شیشے ٹوٹ گئے اورٹائر پھٹ گئے۔اطلاع ملنے پر پولیس جائے وقوعہ پر پہنچ گئی،علاقے کی ناکہ بندی کردی۔

موضوعات:ڈاکو