کراچی (این این آئی)بحراوقیانوس میں دنیا کی امیرترین شخصیات کو ٹائی ٹینک کی باقیات دیکھنے کے لیے لے جانے والی بدقسمت آبدوزٹائٹن میں مجموعی طور پر 5 سیاح تھے جن میں معروف پاکستانی تاجر شہزادہ داود اور ان کے بیٹے سلیمان داود بھی شامل تھے،

کمپنی اوشین گیٹ کی جانب سے5 سیاحوں کی موت کی تصدیق کردی گئی ہے۔تاجرشہزادہ داد کا شمارپاکستان کی امیرترین شخصیات میں ہوتا ہے۔ وہ اینگرو کارپوریشن کے وائس چیئرمین بھی تھے۔ کراچی میں واقع یہ کمپنی متعدد شعبوں میں کام کرتی ہے جس میں کھاد، خوراک اور توانائی کی پیداوار ہے۔48 سالہ شہزادہ داد نے بکنگھم یونیورسٹی میں تعلیم حاصل کی، جہاں انہوں نے ایل ایل بی کیا۔ انہوں نے عالمی ٹیکسٹائل مارکیٹنگ میں فلاڈیلفیا یونیورسٹی سے تعلیم بھی حاصل کی۔رپورٹس کے مطابق،پاکستانی تاجرشہزادہ داد کی کل دولت اس وقت 136.73 ملین امریکی ڈالر ہے۔رپورٹس کے مطابق سلیمان داؤد شہزادہ داؤد کا اکلوتا بیٹا تھا جن کی عمر صرف 19 سال تھی ،سلیمان داؤد مختلف سائنس فکشن کا پرستار اور والی بال کی وجہ سے مشہورتھے۔ اس کے علاوہ یہ بھی بات سامنے آئی ہے کہ دونوں باپ بیٹا ایڈونچر کے بہت شوقین تھے۔شہزادہ داؤد کی اہلیہ کا نام کرسٹینا اور بیٹی کا نام علینا ہے۔