اسلام آباد (این این آئی)اسپیشل جج سینٹرل نے حریم شاہ لیک ویڈیوز کیس میں ملزمہ صندل خٹک کی درخواستِ ضمانت منظور کرلی ۔منگل کو ملزم صندل خٹک کی درخواستِ ضمانت بعد از گرفتاری پر سماعت اسپیشل جج سینٹرل اعظم خان نے کی ۔ دور ان سماعت ملزمہ صندل خٹک کے وکیل مصدق برقی پیش ہوئے۔
وکیل ملزمہ نے کہاکہ صندل خٹک کو کوئی نوٹس نہیں ملا تھا لیکن مقدمہ براہ راست درج کرلیاگیا، حریم شاہہ کی صندل خٹک کے خلاف ایف آئی اے لاہور اور پشاور میں درخواست خارج ہوئی۔ وکیل ملزمہ نے کہاکہ صندل خٹک نے لائیو اسٹریمنگ شئیر کی، خود ریکارڈنگ نہیں کی۔وکیل ملزمہ نے کہاکہ صندل خٹک کے موبائل سے کوئی ثبوت نہیں ملا،ٹک ٹاک کے قوانین کے مطابق نازیبا وڈیوز اپلوڈ نہیں کی جاسکتیں۔ وکیل ملزمہ نے کہاکہ حریم شاہ کی جب ویڈیوز بنائی گئیں تو تب وہ ہنس رہی تھیں۔ وکیل ملزمہ نے کہاکہ جس نے بھی بنائیں، حریم شاہ کی ویڈیوز ان کی رضامندی سے بنائی گئیں،صندل خٹک سے دوران تفتیش کچھ برآمد نہیں ہوا، تفتیش میں درکار بھی نہیں،صندل خٹک نے موبائل دیدیالیکن حریم شاہ کا موبائل نہیں لیاگیا۔ بعد ازاں عدالت نے دلائل سننے کے بعد ملزمہ صندل خٹک کی درخواستِ ضمانت منظور کرلی ۔
