اسلام آباد(این این آئی)تحریک انصاف کے روپوش رہنماء علی امین گنڈا پور نے نامعلوم مقام سے مولانا فضل الرحمان کے نام آڈیو پیغام جاری کردیا۔

نجی ٹی وی کے مطابق تحریک انصاف کے رپورش صوبائی صدر علی امین گنڈا پور نے نامعلوم مقام سے اپنے آیڈیو پیغام میں کہا ہے کہ مولانا فضل الرحمان اسلام کا ٹھکیدار بنا ہوئے ہیں اور وہ جن پروجیکٹس کے افتتاح کررہے ہیں وہ سارے میرے منظور شدہ ہے۔علی امین گنڈا پور نے کہاکہ ڈیرہ اسماعیل خان بائی پاس، درابن روڈ ، مریالی موڑ سے قریشی موڑ تک یہ منصوبے این ایچ اے کے ہیں جو کہ پی ٹی آئی دور حکومت میں منظور ہوئے ، مولانا فضل الرحمان نے بلیک ملنگ کے ذریعے اور دھمکیاں دیکر منصوبوں پر کام روکا دیا تھا۔علی امین گنڈا پور نے الزام لگایا کہ مولانا فضل الرحمان نے اپنی کمیشن کے لئے 90کروڑ کے منصوبے ساڑھے تین ارب روپے میں دئیے ہیں۔