لاہور (این این آئی) ایڈووکیٹ جنرل پنجاب محمد شان گل نے اپنے عہدے سے استعفیٰ دے دیا، نگران حکومت نے نئے ایڈووکیٹ جنرل کی تعیناتی کے لئے وکلاء کے مختلف ناموں پر غور شروع کردیا۔ تفصیلات کے مطابق ایڈووکیٹ جنرل محمد شان گل نے گورنر پنجاب بلیغ الرحمان اور نگران وزیراعلیٰ سید محسن نقوی کو اپنا استعفیٰ بھجوا دیا۔
اس حوالے سے ایڈووکیٹ جنرل محمد شان گل نے گفتگو کرتے ہوئے کہاکہ وہ ذاتی وجوہات کی بنا پر عہدے سے استعفیٰ دے رہے ہیں اور27جون سے ان کا استعفیٰ موثر ہوگا۔محمد شان گل کئی سال تک ایڈیشنل ایڈووکیٹ جنرل پنجاب کی حیثیت سے بھی فرائض سرانجام دے چکے ہیں۔دوسری جانب نگران حکومت نے نئے ایڈووکیٹ جنرل کی تعیناتی کے لئے وکلاء کے مختلف ناموں پر غور شروع کردیا ہے۔
