پشاور (این این آئی ) پاکستان مسلم لیگ ن کے سینئر رہنما ارباب خضرحیات نے کہا ہے کہ مسلم لیگ ن خیبر پختونخوا میں کسی قسم کے اختلافات نہیں ہے پارٹی میاں نوازشریف ، شہباز شریف ، مریم نواز اور امیر مقام کی قیادت میں چٹان کی طرح مضبوط ہے جو لوگ اختلافات کی خبریں پھیلا رہے ہیں پارٹی میں ان کی کوء حیثیت نہیں ہے اور جو کوء بھی پارٹی کے خلاف منفی سرگرمیوں میں ملوث ہے پارٹی کو ایسے سازشی عناصر کی نہ ہی ضرورت ہے اور نہ ہی ان کے لئے کوء جگہ ہے ۔
ایک بیان میں ارباب خضرحیات نے کہا کہ مسلم لیگ ن خیبر پختونخوا صوباء صدر امیر مقام کی قیادت میں ڈرائنگ روم سے نکل کر عوامی پارٹی بن کر ابھری ہے جبکہ پارٹی کے اندر نام نہاد نظریاتی گروپ مسترد شدہ لوگوں کا ٹولہ ہے جو کہ صرف اپنے زاتی عزائم کے لئے صوباء قیادت کے خلاف سرگرم عمل ہے لیکن پارٹی کارکن ان کو اچھی سے جانتے ہیں کہ کون پارٹی کیساتھ مخلص ہے اور کون میر جعفر و میر صادق کا کردار ادا کر رہے ہیں ۔ ارباب خضرحیات نے کہا کہ یہ الیکشن کا سال ہے پارٹی کیساتھ مخلص ورکرز اس وقت زاتی اختلافات بھلا کر پارٹی قائد نوازشریف اور امیر مقام کے ہاتھ مضبوط کریں تا کہ ہم صوبہ کی سب سے بڑی پارٹی بن کر سامنے آئے جبکہ جو لوگ پارٹی کی مخالفت کر رہے ہیں انہیں منہ کی کھانی پڑیگی ۔ انہوں نے کہا کہ میرا پارٹی کیساتھ ایک نظریہ پر اختلاف تھا جو کہ اب ختم ہو چکا ہے اور انشااللہ آئندہ آنے والے الیکشن میں مسلم لیگ ن نہ صرف خیبر پختونخوا بلکہ پورے ملک میں سب سے بڑی پارٹی بن کر سامنے آئے گی ۔
