اسلام آباد(این این آئی)ریویو آف سپریم کورٹ ججمنٹ اینڈ آرڈرز ایکٹ کے خلاف درخواستوں پر سماعت کے دوران چیف جسٹس آف پاکستان عمر عطا بندیال نے اٹارنی جنرل عثمان منصور اعوان سے دلچسپ مکالمہ کرتے ہوئے کہاہے کہ چڑیاں شاید آپ کیلئے پیغام لائی ہیں۔

ریویو آف سپریم کورٹ ججمنٹ اینڈ آرڈرز ایکٹ کے خلاف درخواستوں پر چیف جسٹس عمر عطا بندیال کی سربراہی میں3رکنی بینچ سماعت کر رہا ہے، خصوصی بینچ میں جسٹس اعجازالاحسن اور جسٹس منیب اختر شامل ہیں۔سماعت کے آغاز پر کمرہ عدالت میں چڑیوں کے چہچہانے پر چیف جسٹس نے اٹارنی جنرل کو اشارہ کرتے ہوئے کہا کہ چڑیاں شاید آپ کے لیے پیغام لائی ہیں۔اٹارنی جنرل عثمان منصور اعوان نے مسکراتے ہوئے جواب دیاکہ امید ہے پیغام اچھا ہو گا۔ چیف جسٹس نے کہاکہ وہ زمانہ بھی تھا جب کبوتروں کے ذریعے پیغام جاتے تھے۔