کراچی(این این آئی)ملک بھرکی طرح کراچی میں بھی پاکستان تحریک انصاف کی وکٹیں گرنے اور پنچھی اڑنے کا سلسلہ جاری ہے، ناظم آباد یوسی 6کے جنرل سیکریٹری یوسی 1سے جنرل کونسلر کے امیدوار فصیح افتخار نے بھی ساتھیوں سمیت پی ٹی آئی چھوڑدی۔ پاکستان تحریک انصاف سے لاتعلقی کا اعلان کرتے ہوئے انہوں نے کہاکہپاک فوج کی ہمیشہ سے عزت اور حمایت کرتاہوں،نومئی کے واقعات ملک دشمنی کے مترادف ہیں، ان کی شدید مذمت کرتاہوں۔

انہوں نے کہاکہ پاکستان تحریک انصاف کا مزید حصہ نہیں رہ سکتے میرے ساتھ میرے ساتھی بھی پارٹی چھوڑرہے ہیں جن میں امیدوار وائس چیئرمین یوسی6عدنان قریشی، صدر پی ٹی آئی یوسی 6نارتھ ناظم آباد فرازشیخ، امیدوارجنرل کونسلر یوسی 6قیصرقریشی ودیگر کے نام شامل ہیں۔ انہوں نے حلفیہ بیان دیتے ہوئے کہاہے کہ پہلے ہی لاتعلقی کرچکے تھے اب باقاعدہ اعلان کررہے ہیں، اب ہمارا پی ٹی آئی سے کوئی تعلق نہیں ہے، محب وطن پاکستانی تھے محب وطن پاکستانی ہیں اور رہیں گے۔

موضوعات:تحریک انصاف