اسلام آباد (این این آئی)اپسوس پاکستان نے عوام کی آرا پر مبنی نیا سروے جاری کردیا جس میں 93 فیصد افراد نے نو مئی کے واقعات کی بھرپور مذمت کی اور واقعات کو افسوسناک قرار دیا۔
سروے کے مطابق 80 فیصد نے حکومت سے ملزمان کے خلاف سخت کارروائی کا مطالبہ کیا جبکہ 50 فیصد پاکستانیوں نے پی ٹی آئی سے پْرتشدد واقعات کی کھل کر مذمت کرنے کا بھی کہا۔سروے میں 56 فیصد پاکستانیوں نے فوجی تنصیبات اور شہدا کی یادگاروں پر حملوں کے پیچھے باقاعدہ منصوبہ بندی ہونے کا یقین ظاہر کیا۔سروے کے مطابق پْرتشدد واقعات روکنے میں ناکامی پر 31 فیصد نے 9 مئی کے حالات کا ذمہ دار حکومت کو ٹھہرایا، 24 فیصد نے تمام پْرتشدد واقعات کی ذمہ داری پاکستان تحریک انصاف پر عائد کی۔
