اسلام آباد (این این آئی)تحریک انصاف کے اب تک گرفتار نہ ہونے والے رہنمائوں کے نام ای سی ایل میں ڈالنے کا فیصلہ کیا گیا ہے ،اسلام آباد پولیس نے اس حوالے سے وزارت داخلہ کو باقاعدہ درخواست دے دی ہے ۔
اسلام آباد پولیس کی جانب سے راجہ خرم نواز، اخلاق اعوان اور علی اعوان کا نام ای سی ایل میں ڈالنے کی سفارش کی گئی ہے۔ملک حسنین اور ملک عامر علی کا نام بھی ای سی ایل میں ڈالنے کی استدعا کی گئی ہے۔پولیس نے درخواست میں موقف اختیار کیا کہ خدشہ ہے کہ ملزمان گرفتاری سے بچنے کے لیے ملک سے فرار ہوسکتے ہیں۔نام ای سی ایل میں ڈال کر ملزمان کو بیرون ملک فرار سے روکا جائے، ملزمان کیخلاف اسلام آباد کے تھانہ کھنہ میں مقدمہ درج ہے۔
