اسلام آباد (این این آئی)اسلام آباد پولیس نے تاحال گرفتاری سے بچنے والے پی ٹی آئی رہنماؤں کے نام ای سی ایل میں ڈالنے کے لیے وزارت داخلہ کو باقاعدہ درخواست دے دی۔پولیس کی جانب سے پی ٹی آئی رہنماؤں راجہ خرم نواز، اخلاق اعوان اور علی اعوان کا نام ای سی ایل میں شامل کرنے کیلئے وزارت داخلہ کو درخواست دے دی۔
اسلام آباد پولیس کی جانب سے ملک حسنین اور ملک عامر علی کا نام بھی ای سی ایل میں ڈالنے کی سفارش کی گئی۔وفاقی پولیس نے کہا کہ خدشہ ہے کہ ملزمان گرفتاری سے بچنے کے لیے ملک سے فرار ہوسکتے ہیں۔پولیس نے کہاکہ ملزمان کے نام ای سی ایل میں ڈالے جائے ملزمان کو بیرون ملک فرار ہونے سے روکا جائے۔ ملزمان کے خلاف اسلام آباد کے تھانہ کھنہ پولیس سٹیشن میں مقدمہ درج ہے۔
