اسلام آباد(مانیٹرنگ ڈیسک )فیاض الحسن چوہان نے بھی پی ٹی آئی چھوڑنے کا فیصلہ کر لیا ہے ۔ جیو نیوز کے مطابق فیاض الحسن چوہان اب سے کچھ دیر کے بعد پریس کانفرنس کریں گے جس میں وہ پاکستان تحریک انصاف چھوڑنے کا اعلان کریں گے ۔

نجی ٹی وی کے مطابق پی ٹی آئی کے رہنما و سابق صوبائی وزیر فیاض الحسن پریس کانفرنس کےد وران تحریک انصاف کو باقاعدہ چھوڑنے کا اعلان کرنے والے ہیں ۔ قبل ازیں سابق وفاقی وزیر برائے انسانی حقوق شیریں مزاری نے پاکستان تحریک انصاف (پی ٹی آئی) چھوڑنے کا فیصلہ کردیا۔ذرائع کے مطابق پی ٹی آئی کی دیرینہ رہنما ڈاکٹر شیریں مزاری نے پی ٹی آئی سے راہیں جدا کرنے کا فیصلہ کرلیا ہے۔شیریں مزاری کچھ دیر میں نیوز کانفرنس کرکے باضابطہ اس کا اعلان کریں گی۔