پشاور(این این آئی) پاکستان تحریک انصاف کے سابق رکن خیبرپختونخوا اسمبلی فضل الٰہی نے کارکنوں کے ہمراہ رحمان بابا گرڈ اسٹیشن پر دھاوا بول دیا اور انڈسٹریل گرڈ اسٹیشن پر کئی فیڈرز کی بجلی زبردستی کھول دی۔سابق رکن خیبرپختونخوا اسمبلی فضل الٰہی نے رحمان بابا گرڈ اسٹیشن پر دھاوا بول دیا اور انڈسٹریل گرڈ اسٹیشن پر کئی فیڈرز کی بجلی زبردستی کھول دی۔
فضل الٰہی نے ویڈیو پیغام کے ذریعے مزید کارکنوں کو بھی گرڈ اسٹیشن پہنچے کی ہدایت کی اور کہا کہ واپڈا نے ہمارے حلقے کی بجلی بند کردی ہے، ہم گرڈ اسٹیشن آئے اب تمام فیڈرز چل رہے ہیں۔یسکو حکام کے مطابق سابق ایم پی اے نے رحمان بابا گرڈ اسٹیشن کے بعد پشاور انڈسٹریل گرڈ اسٹیشن کا گھیراؤ کرکے عملے کو یرغمال بنایا اور زبردستی فیڈرز چلوا دیے جس سے بقیہ فیڈرز پر بجلی کی سپلائی متاثرہونے کا خدشہ ہے۔پیسکو نے فضل الہی کے خلاف متعلقہ تھانے میں ایف آئی آر درج کرنے کے لئے درخواست جمع کردی۔
