اسلام آباد (این این آئی)آئی ایم ایف وفد کے دورے سے پہلے حکومت نے بجٹ خسارہ پورا کرنے کیلئے 200سے 600ارب روپے تک کے اضافی ٹیکس لگانے کی تیاری کر لی ۔میڈیا رپورٹ کے مطابق آئی ایم ایف وفد سے مذاکرات میں طے ہوگا کہ کتنے نئے ٹیکس لگائے جائیں اور کتنے نان ٹیکس اقدامات کیے جائیں، آئی ایم ایف نے قرض پروگرام کی بحالی کیلئے متعدد اقدامات کا مطالبہ کر رکھا ہے۔ڈالر کے مقابلے میں روپے کی قیمت مارکیٹ کے مطابق کرنے اور پیٹرولیم مصنوعات میں اضافہ کے مطا لبات پور ے ہو چکے ، ڈیزل پر لیوی 40روپے فی لیٹر کردی گئی اور اگلے ماہ اس میں مزید اضافہ متوقع ہے،پاکستان کو ڈیفالٹ سے بچنے کیلئے ہر حال میں آئی ایم ایف پروگرام بحال کروانا ہے اور آئی ایم ایف وفد کا دورہ کل منگل سے شروع ہوگا۔