لاہور(مانیٹرنگ ڈیسک )پاکستان کرکٹ ٹیم کے فاسٹ بائولر وہاب ریاض کے پنجاب کی نگران کابینہ میں شمولیت کے حوالے سے ان کے بھائی احسن ریاض کا ردعمل سامنے آگیا ، انہوں نے وہاب کابینہ میں شمولیت کی تصدیق کر دی ۔ نجی ٹی وی چینل “ایکسپریس نیوز “کے مطابق فاسٹ بولر وہاب ریاض پنجاب کی نگران کابینہ میں وزرات کھیل کی ذمہ داریاں نبھائیں گے ،تاہم وہاب ریاض ان دنوں بنگلہ دیش پریمیئر لیگ (بی پی ایل) کھیلنے کیلیے ڈھاکہ میں موجود ہیں، اس لیے انکے بھائی احسن ریاض نے وہاب کے نگران کابینہ کا حصہ بننے کی تصدیق کردی ہے۔احسن ریاض کا کہنا ہے کہ بنگلہ دیش پریمئیر لیگ کی مصروفیات کی وجہ سے بھائی نگران وزیر کا حلف نہیں اٹھا سکے، وہ جلد واپس آکر حلف اٹھائیں گے، ذرائع کے مطابق نگران کابینہ میں قومی فاسٹ بولر کو سپورٹس منسٹری دی جائے گی۔