ڈھاکہ (این این آئی)بنگلا دیش کے بیٹر لٹن داس نے پاکستان کے وکٹ کیپر محمد رضوان کے ساتھ بیٹنگ کر کے اپنے ردِعمل کا اظہار کرتے ہوئے کہا ہے کہ آپ کے ساتھ بیٹنگ کر کے خوشی ہوئی بھائی۔بنگلا دیش پریمیئر لیگ کے 27ویں میچ میں کومیلا وکٹورینز نے کھلنا ٹائیگرز کو سنسنی خیز مقابلے کے بعد 4 رنز سے شکست دی تھی۔اس میچ میں کومیلا وکٹورینز کی طرف سے محمد رضوان اور لٹن داس نے اننگز کا آغاز کیا تھا اور دونوں کھلاڑیوں کے درمیان 65 رنز کی پارٹنر شپ قائم ہوئی تھی۔میچ کے بعد بنگلا دیشی بیٹر نے سوشل میڈیا پرمحمد رضوان کے ہمراہ تصویر شیئر کرتے ہوئے لکھا کہ آپ کے ساتھ بیٹنگ کر کے خوشی ہوئی بھائی۔یاد رہے کہ گزشتہ سال اکتوبر میں بنگلا دیش کے بیٹر لٹن داس نے نیوزی لینڈ میں سہ ملکی سیریز کے دوران بابر اعظم اور محمد رضوان سے ملاقات کر کے بیٹنگ ٹپس بھی لی تھیں۔

موضوعات:لٹن داس