لاہور(این این آئی)تحریک انصاف کی پنجاب میں الیکشن کی تاریخ کا اعلان نہ کرنے کے خلاف لاہور ہائیکورٹ میں دائر درخواست سماعت کے لیے مقرر کر دی گئی۔لاہور ہائیکورٹ کے جسٹس جواد حسن پیر کے روزتحریک انصاف کے سیکرٹری جنرل اسد عمر کی درخواست پر سماعت کریں گے۔
درخواست میں گورنر پنجاب کو بذریعہ پرنسپل سیکرٹری فریق بنایا گیا ہے۔تحریک انصاف نے بیرسٹر علی ظفر کی وساطت سے لاہور ہائیکورٹ میں درخواست دائر کی جس میں موقف اپنایا گیا کہ آئین کے تحت اسمبلی تحلیل ہونے کے فوری بعد گورنر نے الیکشن کا اعلان کرنا ہوتاہے، گورنر پنجاب الیکشن کی تاریخ کا اعلان نہیں کر رہے جو کہ آئین کی خلاف ورزی ہے۔درخواست میں مزید کہا گیا ہے کہ دس روز سے زائد کا وقت گزر چکا ہے گورنر پنجاب کی جانب سے تاحال الیکشن کی تاریخ کا اعلان نہیں کیا گیا، تاریخ کا اعلان نہ کر کے گورنر اپنے حلف کی خلاف ورزی کر رہے ہیں۔ استدعاہے لاہور ہائیکورٹ پنجاب میں الیکشن کی تاریخ دینے کے لیے گورنر کو ہدایات جاری کرے۔ تحریک انصاف کی پنجاب میں الیکشن کی تاریخ کا اعلان نہ کرنے کے خلاف لاہور ہائیکورٹ میں دائر درخواست سماعت کے لیے مقرر کر دی گئی۔لاہور ہائیکورٹ کے جسٹس جواد حسن پیر کے روزتحریک انصاف کے سیکرٹری جنرل اسد عمر کی درخواست پر سماعت کریں گے۔
