صوابی/لاہور (این این آئی)دھند کی شدت کے باعث صوابی سے رشکئی تک بند کی گئی موٹر وے ایم 1 دھند کی شدت میں کمی کے بعد ہر قسم کے ٹریفک کیلئے کھول دی گئی ہے۔موٹر وے پولیس کے مطابق موٹر وے ایم 2 لاہور سے سیال موڑ تک، لاہور ملتان موٹر وے ایم 3 فیض پور سے درخانہ تک جبکہ موٹر وے ایم 4 پنڈی بھٹیاں سے درخانہ تک بند رہی ۔ حکام کے مطابق لاہور اور اس کے گرد و نواح میں دھند اور اسموگ کا سلسلہ جاری رہا جس کے باعث لوگوں کو آمد و رفت میں دشواری کا سامنا کرنا پڑ ا ۔قومی شاہراہوں پر بھی دھند کے باعث ٹریفک کی روانی متاثر ہوئی۔موٹر وے پولیس نے ڈرائیورز کو فوگ لائٹس استعمال کرنے اور احتیاطی تدابیر اختیار کرنے کی ہدایت کی ہے۔