لاہور (این این آئی)پاکستان تحریکِ انصاف کے چیئرمین، سابق وزیرِ اعظم عمران خان نے اعتراف کیا کہا ہے کہ افسوس ہے کہ اپنے دورِ حکومت میں قانون کی حکمرانی کا نفاذ نہ کر سکا۔جرمن میڈیا کو انٹرویو دیتے ہوئے پاکستان تحریکِ انصاف کے چیئرمین،

سابق وزیرِ اعظم عمران خان نے کہا کہ ڈاکٹرز نے 6 ہفتوں کے آرام کا مشورہ دیا ہے، صحت یابی میں 4 ہفتے لگ سکتے ہیں۔انہوںنے کہاکہ پی ٹی آئی کی مقبولیت کی وجہ سے موجودہ حکومت نے سب سے زیادہ دھمکیاں دیں، موجودہ حکومت مجھے ہٹانا چاہتی تھی۔عمران خان نے کہا کہ مجھے سازش کے تحت ہٹایا گیا، ان کا مقصد مجھے راستے سے ہٹانا ہے۔انہوں نے کہا کہ میں اپنے خلاف سازش کے بارے میں جانتا ہوں، یہ سب 2 ماہ پہلے شروع کیا گیا۔پاکستان تحریکِ انصاف کے چیئرمین نے کہاکہ مذہب کی بنیاد پر مجھے قتل کرنے کی سازش بنائی گئی۔سابق وزیر اعظم عمران خان نے دعویٰ کیا کہ مجھے یقین ہے کہ آئندہ الیکشن میری جماعت جیتے گی۔انہوںنے کہاکہ حکومت کے خلاف مارچ آئین کے مطابق ہے، یہ ہمارا حق ہے۔عمران خان نے کہا کہ میری حکومت آئینی طریقے سے نہیں ہٹائی گئی، میری حکومت الیکشن نہیں آکشن کے ذریعے ہٹائی گئی، جو غیر آئینی تھا۔