اسلام آباد (مانیٹرنگ ڈیسک )سابق وزیر اعظم عمران خان کی قیادت میں اسلام آباد کی جانب جانے والا لانگ مارچ آج گوجرانوالہ پہنچے گا۔سماء کے مطابق پاکستان تحریک انصاف نے 28 اکتوبر کو لاہور کے لبرٹی چوک سے اپنے لانگ مارچ کا آغاز کیا تھا لیکن 3 روز میں اب تک شرکا گوجرانوالہ بھی نہیں پہنچا۔گزشتہ روز خاتون صحافی صدف نعیم کے جاں بحق ہونے پر لانگ مارچ کو روک دیا گیا تھا۔فواد چوہدری نے کہا ہے کہ کراچی سے قافلہ آج حیدرآباد اور سکھر کے راستے اسلام آباد کیلئے روانہ ہو گا جب کہ پختونخواہ کا قافلہ بدہ کو نکلے گا، یہ تمام قافلے اسلام آباد پہنچیں گے، لاکھوں لوگوں کا یہ اجتماع اپنے جمہوری حقوق چاہتا ہے۔