لاہور( این این آئی) مقامی عدالت نے پنجاب اسمبلی میں ہنگامہ آرائی کے مقدمے میں رانا مشہوداور اویس لغاری سمیت دس لیگی رہنمائوں کی عبوری ضمانت کی توثیق کر دی ۔ ایڈیشنل سیشن جج یاسین موہل نے پنجاب اسمبلی ہنگامہ آرائی کے مقدمے کی سماعت کی ۔ اس موقع پر تھانہ قلعہ سنگھ پولیس کی جانب سے مقدمے کے ریکارڈ پیش کیا گیا ۔ عدالت نے ملزمان کی عبوری ضمانت کی توثق کرتے ہوئے پچاس ، پچاس ہزار روپے کے مچلکے جمع کرائے کی ہدایت کر دی ۔