لاہور(این این آئی) لاہور ہائیکورٹ نے وزیر اعلی پنجاب کے مشیران کی تعیناتی کے خلاف دائر درخواست ناقابل سماعت قرار دیکر مسترد کردی۔لاہور ہائیکورٹ کے جسٹس فیصل زمان نے درخواست پر سماعت کی ۔عدالت نے درخواست گزار سے استفسارکرتے ہوئے کہاکہ مفاد عامہ کی درخواست ہے تو تفصیل بھی لکھنی تھی ،ااس طرح زبانی کلامی آگئے ، یہ درخواست کس طرح قابل سماعت ہے،آپ کس طرح درخواست دائر کر سکتے ہیں۔ درخواست گزار کا کہناتھا کہ مشیران کی تعیناتی کے حوالے سے قانون نہیں ۔ عدالت نے کہاکہ قانون نہیں تو پھر کیا ہوا آپ متعلقہ فورم پر جائیں اور اسکا فیصلہ کروائیں ۔