لاہور( این این آئی) مانگا منڈی کے علاقے میں مسلم لیگ (ن) کے رہنما و چیئرمین طارق بٹ کے بیٹے کونامعلوم افراد نے اندھا دھند فائرنگ کر کے زخمی کر دیا جسے طبی امداد کے لئے ہسپتال داخل کرا دیا گیا ۔بتایا گیا ہے کہ ملزمان نے لیگی رہنما چیئرمین طارق بٹ کے بیٹے اسامہ بٹ کو اندھا دھند فائرنگ کر کے زخمی کیا اور موقع سے فرار ہو گئے ۔اطلاع ملنے پر پولیس اور ریسکیو کی ٹیمیںموقع پر پہنچ گئیں جنہوںنے زخمی کو مقامی ہسپتال منتقل کر دیا ۔ بتایا گیا ہے کہ زخمی کی حالت بھی تشویشناک ہے ۔ابتدائی معلومات کے مطابق ملزمان سے اسامہ بٹ کی تلخ کلامی ہوئی تھی ۔