اسلام آباد (این این آئی)پاکستان مسلم لیگ (ن) ترجمان مریم اورنگزیب نے پیکا سمیت تمام کالے قوانین کے خلاف ہر فورم پر جنگ جاری رکھنے کا اعلان کیا ہے ۔ جمعہ کو اپنے بیان میں انہوںنے کہاکہ سیاہ حکومت سیاہ قوانین سے عدم اعتماد سے بچ نہیں سکتی ،
کالے قوانین بھی کالی حکومت کے ساتھ رخصت کریں گے ۔ انہوںنے کہاکہ عمران صاحب کے جانے سے ہی پارلیمنٹ کے دروازے پر لگا تالا کھلے گا۔ انہوںنے کہاکہ عمران صاحب کے خوف ہے کہ پارلیمنٹ کی کرسیاں الٹا دیں، قالین اکھاڑ دئیے ،ان شاء اللہ ، تمام کالے قوانین کو بھی اسی طرح اکھاڑ کر پھینکیں گے ۔ انہوںنے کہاکہ عمران صاحب جتنی مرضی کرسیاں الٹائیں، قالین اکھاڑیں، کالے قانون جاری کریں، آپ کی کرسی الٹنے سے نہیں بچ سکتی ۔ انہوںنے کہاکہ معزز عدالت نے ہمارے وکیل منصور صاحب کو عدالتی معاون مقرر کیا ہے ،مقدمے کی سماعت کے دوران وہ ہمارے موقف کو بیان کردیں گے ،حکومت اتنی خوفزدہ ہے کہ پارلیمنٹ کو مفلوج بناکررکھ دیا ہے۔
