لاہور( این این آئی)سینئر قانون دان اعتراز احسن نے کہا ہے کہ پی ڈی ایم میں شامل جماعتیں سچے دل کے ساتھ ایک دوسرے کے ساتھ نہیں ہیں،اگر اپوزیشن جماعتیں صدق دل سے چلیں تو نمبر گیم پوری کرسکتی ہیں ،میرا مشورہ ہے ان پر اعتبار نہ کیا جائے ۔ میڈیا سے گفتگو کرتے ہوئے انہوں نے کہا کہ پیکا ترمیمی آرڈیننس 2022 کسی حد تک درست ہے ،میاں ثاقب نثار کی آڈیو فیک نیوز ہے ،مریم نواز جو دعوی کرتی ہیںکہ میرے پاس اور بھی ثبوت ہیں ان کو عدالت میں پیش کیوں نہیں کرتیں،یہ سب مریم نواز کے پاس فیک نیوز ہیں ۔ انہوں نے کہا کہ نواز شریف کو وطن واپس لانا موجودہ حکومت کے بس کی بات نہیں ،نواز شریف کی میڈیکل رپورٹس لیباٹری سے جعلی بنوائی گئیں۔