اسلام آباد (این این آئی)نائب صدر پیپلز پارٹی سینیٹر شیری رحمان نے گیس بحران پر کہا ہے کہ حکومت کی نا اہلی کی وجہ سے مارچ میں آنے والے دو ایل این جی کارگو منسوخ ہوگئے۔اپنے بیان میں انہوںنے کہاکہ اطلاعات ہیں کہ مارچ میں آنے والے 2 ایل این جی کارگو منسوخ ہو گئے ہیں۔انہوںنے کہاکہ اس کا مطلب ہے کہ حکومت کی نااہلی کہ وجہ سے اس سال بھی گرمیوں میں گیس کا بحران جاری رہے گا۔ انہوںنے کہاکہ یہ واحد حکومت ہے جس کی

وجہ سے صارفین اور صنعتوں کو گرمیوں میں بھی گیس کی لوڈشیڈنگ کا سامنہ کرنا پڑتا ہے۔ انہوںنے کہاکہ سردیوں کے بعد اب گرمیاں بھی گیس کے بغیر گزرے گی۔ انہوںنے کہاکہ سندھ کو پہلے ہی 15فیصد گیس کم دی جا رہی، قلت پوری کرنے کے لئے سندھ کے حصے کی گیس فراہمی کم کی جا رہی جو آئین کی خلاف ورزی ہے، ان کے پیدا کردہ بحران ملک کو اندھیروں میں لے جائیں گے ،اس نااہل حکومت کے خلاف باہر آنے کا وقت آ چکا ہے۔