لاہور(این این آئی) فیڈرل بورڈآف ریونیو نے 2 ہائوسنگ سوسائٹیز کا5سالہ آڈٹ کرکے بھاری ٹیکس لگادیا۔نجی ٹی وی کے مطابق گورنمنٹ آفیسرز کوآپریٹیو ہائوسنگ سوسائٹی پر8 کروڑ 45 لاکھ روپے اوربورڈ آف ریونیو ایمپلائز کوآپریٹیو ہائوسنگ سوسائٹی پر5 کروڑ57 لاکھ روپے

ٹیکس عائد کیا گیا۔دونوں سوسائٹیزکا5سال کا آڈٹ کرکے ٹیکس عائد کیا گیا، دونوں کوآپریٹیو ہائوسنگ سوسائٹیز کا سال 2016 سے 2020 تک کا آڈٹ کرکے ٹیکس عائد کیا گیا، دونوں کوآپریٹیو ہائوسنگ سوسائٹیز کی ٹھیکیداروں کو کی گئی ادائیگیوں، پلاٹس و گھروں کی سیلزاورسوسائٹی کیلئے کی گئی پرچیز کاریکارڈ رجسٹرار کوآپریٹیو سے حاصل کیا گیا۔ذرائع کا کہنا ہے کہ دونوں ہائوسنگ سوسائٹیز کو بارہا نوٹسز بھجوائے گئے تھے تاہم دونوں کوآپریٹیو ہائوسنگ سوسائٹیز کی جانب سے جواب نہ دینے پر ٹیکس عائد کیا گیا، دونوں سوسائٹیز کو ٹیکس ادائیگی کیلئے ایک ماہ کی مہلت دی گئی ہے۔