لاہور( این این آئی)شاہدرہ کے علاقہ جیا موسی کے قریب ماں اوربیٹی کو تیز دھار آلے سے قتل کر دیا گیا، اطلاع ملتے ہی پولیس جائے وقوعہ پر پہنچ گئی جس نے فرانزک ماہرین کی مدد سے شواہد اکٹھے کرنے کے بعد لاشوںکو پوسٹمارٹم کے لئے مردہ خانے منتقل کر دیا ،
سی سی پی او نے واقعہ کا نوٹس لیتے ہوئے ایس پی سٹی سے رپورٹ طلب کر لی ۔تفصیلات کے مطابق شاہدرہ کے علاقے جیا موسی میں رہائش پذیر 45سالہ بشری اور 25 سالہ ثنا ء کو گھر کے اندر تیز دھار آلہ سے قتل کر دیا گیا جس کی اطلاع ملتے ہی پولیس اور فرانزک ماہرین کی ٹیمیں موقع پر پہنچ گئیں اور شواہد اکٹھے کر کے لاشوں کو پوسٹمارٹم کے لئے مردہ خانے منتقل کر دیا گیا۔ بتایا گیا ہے کہ دونوں کو مبینہ طو رپر تایا زاد ملزم مبار ک نے رشتے کے تنازعہ پر قتل کیا ۔ایس ایس پی انویسٹی گیشن نے شاہدرہ میں جائے وقوعہ کا دورہ کیا اورملزمان کی گرفتاری کے لئے ایس پی انویسٹی گیشن سٹی کی سربراہی میں ٹیم تشکیل دے دی۔ایس ایس پی انوسٹی گیشن کے مطابق ملزم مبارک نے اپنی بھابھی اور اس کی والدہ کو تیز دار آلے سے قتل کیا، ملزم کو جلد گرفتار کر کے کیفر کردار تک پہنچایا جائے گا۔ بتایاگیا ہے کہ دونوں کو مبینہ طو رپر رشتے کے تنازعے پر قتل کیا گیا ۔سربراہ لاہور پولیس فیاض احمد دیونے واقعہ کا نوٹس لیتے ہوئے ایس پی سٹی سے رپورٹ طلب کرلی ہے ۔ سی سی پی او نے ہدایت کی کہ قتل کے تمام محرکات اور پہلوئوں کا تفصیلی جائزہ لیا جائے اور ملزمان کی گرفتاری کی فوری یقینی بنایا جائے۔
