مکوآنہ (این این آئی )آل پاکستان کلرکس ایسوسی ایشن پنجاب نے 10فروری کو پارلیمنٹ ہاوس اسلام آبادکے سامنے احتجاجی دھرنے میں بھرپورشرکت کااعلان کردیا تفصیلات کے مطابق آل پاکستان کلرکس ایسوسی ایشن پنجاب کے سینئرنائب اورڈویڑنل صدرچوہدری ذوالفقارعلی کی زیرصدارت ڈویڑنل ذمہ داران کااجلاس اورتیاریوں کاجائزہ ،اجلاس کے شرکاء سے خطاب کرتے ہوئے

چوہدری ذوالفقارعلی کاہلوں نے کہاکہ دس فروری کو پارلیمنٹ ہاوس کے سامنے تمام سرکاری ملازمین مطالبات پورے نہ ہونے کے خلاف بھرپور دھرنا دیں گے۔فیصل آباد سے ہزاروںسرکاری ملازمین شرکت کریں گے اور مطالبات پورے ہونے تک دھرنا جاری رکھیں گے۔انہوں نے کہاکہ مہنگائی، ناانصافی، عدم مساوات،ٹائم سکیل، اپگریڈیشن ، حق مستقلی، پے پروٹیکشن اور سپیشل الاونس کو موجودہ بنیادی تنخواہ پر نہ دینے کے لئے کیا جائے گا۔ایک سال گزرنے کو لیکن حکومت نے اپنے وعدے پورے نہیں کیے، لہزا 10 فروری کو پارلیمنٹ ہاوس اسلام آباد میں مطالبات کی منظوری تک دھرنا جاری رہے گا۔اجلاس میں مہنگائی اور عدم مساوات کی شدید مذمت کی گئی۔ ملازمین میں مہنگائی کی وجہ سے بے چینی دن بدن بڑتی جا رہی ہے۔ مہنگائی میں ہر گزرتے دن کے ساتھ اضافہ ہو رہا ہے لیکن تنخواہوں میں اضافہ نہ ہونے کے برابر کیا گیا بلکے تنخواہوں میں کٹوتیوں کی شرح میں اضافے ہو رہے ہیں۔ دوسری طرف عدالت، اسمبلی ملازمین اور بیوروکریٹس کی مراعات میں اضافہ کیا گیا جبکہ محکوم محکمہ جات کے لئے خزانہ خالی ہے۔لہزا مہنگائی سے مجبور ہو کر تمام ملازمین نے پھرپور دھرنا دینے کا فیصلہ کیا گیا ہے جو مطالبات کی منظوری تک جارہی رہے گا۔آل پاکستان کلرکس ایسوسی ایشن پنجاب کے سینئر نائب صدر چوہدری ذوالفقارعلی کاہلوں نے کہا دھرنے میں شرکت کے لئے، ٹرانسپورٹ،بسترے،کیمپس کا انتظام کر لیا گیا ہے۔ انشاء اللہ ہزاروں افراد دھرنے میں شرکت کریں گے۔