اسلام آباد(آن لائن)وفاقی وزیر اطلاعات ونشریات فواد چوہدری نے کہا ہے کہ پاکستان تحریک انصاف کے چیئرمین اور وزیراعظم پاکستان عمران خان نے تمام اراکین اسمبلی سے کہا ہے کہ وہ اس عید پر سیاسی سرگرمیوں سے پرہیز کریں۔ان خیالات کا اظہار انہوں نے گزشتہ روز سوشل میڈیا کی ویب سائٹ ٹوئٹر پر
اپنے پیغام میں کیا۔فواد چوہدری نے کہا کہ حلقے کے عوام کی زندگی اور صحت کے مفاد کے پیش نظر وزیراعظم نے ہدایت کی ہے کہ اراکین عید کی محافل اور ملاقاتیں ترک کردیں اور زیادہ سے زیادہ گھر میں رہیں تاکہ محفوظ رہیں۔انہوں نے کہا کہ وزیراعظم عمران خان نے تمام اراکین اسمبلی سے کہا ہے کہ وہ اس عید پر سیاسی سرگرمیوں سے پرہیز کریں۔
