رکن قومی اسمبلی محسن داوڑ نے وزیرستان میں کل عیدالفطر منانے کا اعلان کر دیا

اسلام آباد(مانیٹرنگ ڈیسک )صوبہ خیبرپختونخوا کے ضلع شمالی وزیرستان میں کل عید الفطر منانے کا اعلان کردیا گیا ہے۔تفصیلات کے مطابق یہ اعلان رکن قومی اسمبلی محسن داوڑ کی جانب سے سماجی رابطوں کی ویب سائٹ ’ٹوئٹر‘ پر کیا گیا ہے۔

نجی ٹی وی ہم نیوز کے مطابق شمالی وزیرستان سے رکن قومی اسمبلی محسن داوڑ نے اپنے ٹوئٹ پیغام میں کہا ہے کہ شمالی وزیر ستان کے علاقے حیدر خیل میں 20 افراد نے چاند دیکھنے کا دعویٰ کیا ہے۔محسن داوڑ کے مطابق وزیرستان میں کل عید الفطر منائی جائے گی۔ انہوں نے ان افراد کے ناموں کی فہرست بھی جاری کی ہے جنہوں نے چاند دیکھنے کا دعویٰ کیا ہے۔سعودی عرب سمیت خلیجی ممالک میں چاند نظر آیا ہے جس کی وجہ سے عید الفطر جمعرات 13 مئی کو منائی جائے گی۔

Eid moon sighted by about 20 people in Haider Khel,North Waziristan. As we celebrate Eid tomorrow, our thoughts and prayers will be with the families of missing persons, of those who’ve been killed extra judicially and by terrorists and we will be praying for peace in the region.

— Mohsin Dawar (@mjdawar) May 11, 2021

رکن قومی اسمبلی محسن داوڑ نے وزیرستان میں کل عیدالفطر منانے کا اعلان کر دیا

کالم

اچھی زندگی