اسلام آباد (این این آئی)وزیر اعظم عمران خان نے اچانک پمز ہسپتال کا دورہ کر کے کوویڈ وارڈ میں انتظامات اور سہولیات جا ئزہ لیا ۔ پیر کو وزیر اعظم عمران خان نے اچانک پمز ہسپتال کا دورہ کیا اور اس دور ان کوویڈ وارڈ میں بھی گئے جہاں انہوںنے انتظامات اور سہولیات کا جائزہ لیا۔
سینیٹر فیصل جاوید نے بتایاکہ وزیر اعظم نے ہسپتال میں زیر علاج مریضوں کی عیادت کی ۔دوسری جانب عید کے دوران ویکسین مراکزمیں چھٹی کا نوٹیفکیشن جاری کردیا گیا۔ملک بھرمیں ویکیسنیشن مراکزمیں عید کے دوران دودن چھٹی ہوگی جس کا باقاعدہ نوٹیفیکیشن بھی جاری کردیا گیا ہے۔نوٹیفکیشن کے مطابق ویکسین مراکزعید کے پہلے اوردوسرے روزبند ہوں گے۔ چھٹیوں میں دودن کے علاوہ ویکسین مراکز معمول کے مطابق کھلے رہیں گے۔اس سے قبل حکومت کی جانب سے اعلان کیا گیا تھا کہ ویکسینیشن سینٹرزعید کی تعطیلات کے دوران بھی کھلے رہیں گے۔
