کراچی (این این آئی) مسلم لیگ نون کے امیدوار مفتاح اسماعیل نے این اے 249 کراچی میں ووٹوں کی دوبارہ گنتی روکنے کی درخواست الیکشن کمیشن آف پاکستان میں دائر کر دی۔مسلم لیگ نون کے امیدوار مفتاح اسماعیل نے چیف الیکشن کمشنر کے نام دائر کی گئی درخواست میں کہا ہے کہ ریٹرننگ آفیسر غیر استعمال شدہ

بیلٹ پیپرز نہیں دکھا رہا۔انہوں نے درخواست میں کہا ہے کہ کاونٹر فائلز بھی نہیں چیک کی جا رہیں، صرف درست اور ضائع ہونے والے ووٹ چیک کرائے جا رہے ہیں۔مفتاح اسماعیل نے اپنی درخواست میں چیف الیکشن کمشنر سے استدعا کی ہے کہ آر او کو ضروری ہدایات تک دوبارہ گنتی کا عمل روکا جائے۔