کراچی(این این آئی) حلقے این اے 249 میں پیپلز پارٹی اور پی ایس پی کے کارکنوں کے درمیان تصادم ہوگیا۔کراچی کے حلقے این اے 249 میں ضمنی انتخاب کے سلسلے میں پیپلز پارٹی اور پاک سرزمین پارٹی کے

کارکنوں میں تصادم ہوگیا۔ کارکنوں نے ایک دوسرے پر پتھرائو کیا، جس کے نتیجے میں ایک شخص زخمی ہوگیا۔ تصادم کے دوران ایک فریق گروپ کی جانب سے ہوائی فائرنگ بھی کی گئی۔ہوائی فائرنگ کے بعد پولیس کی بھاری نفری موقع پر پہنچی اور صورتحال پر قابو پایا۔ حلقے میں پولیس کی بھاری نفری کو تعینات کردیا گیا۔ فائرنگ کا واقع پیپلز پارٹی کی ریلی گزرنے کے دوران پیش آیا۔ فائرنگ سے علاقے میں خوف و ہراس پھیل گیا۔پیپلز پارٹی کے مطابق پی ایس پی کے کارکنوں نے پیپلز یوتھ کے کارکنوں کو تشدد کا نشانہ بنایا۔ دوسری طرف ترجمان پی ایس پی نے کہاکہ پیپلز پارٹی کی ریلی میں سے شرپسندوں نے پی ایس پی کے مرکزی الیکشن آفس پر اندھا دھند فائرنگ کی۔ پیپلزپارٹی بلدیہ ٹائون میں پی ایس پی کی مقبولیت سے بوکھلا گئی ہے۔