کراچی(این این آئی)پی ٹی آئی کے رکن قومی اسمبلی اور سینئراینکرعامر لیاقت نے سوشل میڈیا پرزیر گردش اپنی تیسری شادی کی خبروں پر ویڈیو بیان جاری کرتے ہوئے واضح کیا ہے کہ ان کی صرف ایک ہی شادی ہے۔گزشتہ روز ہانیہ خان نامی خاتون نے دعویٰ کیا تھا کہ وہ عامرلیاقت کی تیسری بیوی ہیں، لیکن ان پرطوبی اورعامرنے مل کا کالا جادوکروایا

جس سے ان کی بولنے کی صلاحیت چلی گئی تھی اور وہ گزشتہ ایک سال سے علاج کروارہی ہیں اور اب کچھ بہترہوئی ہیں۔اپنے فیس بک پر جاری کردہ ویڈیو بیان میں ہانیہ نے الزام عائد کیا تھا کہ عامر لیاقت نے میری زندگی برباد کردی، ان کی وجہ سے میں نے اپنی والدہ پرہاتھ اٹھایا اورآج میں ان سے معافی مانگتی ہوں۔خود کو اداکارہ وماڈل بتانے والی ہانیہ نے عامرلیاقت کے ساتھ چند تصاویر، واٹس ایپ اور ویڈیو چیٹ کے اسکرین شاٹس اور گفتگو کی ریکارڈنگ شیئرکی تھی۔اس خبرپرردعمل دیتے ہوئے عامرلیاقت نے انسٹاگرام پرایک منٹ 20 سیکنڈ دورانیے کا ایک ویڈیو بیان جاری کیا جس میں وہ ہانیہ کا نام لیے بغیربین السطور یہی مدعا سامنے رکھتے ہوئے شاعرانہ گفتگو کررہے ہیں۔ویڈیو کے آغازمیں عامر لیاقت نے کہاکہ عورت کی لمبی زبان کا شکوہ تو سبھی کرتے ہیں مگر کوئی گونگی عورت سے شادی نہیں کرنا چاہتا، آپ لوگ میری 3، 4 ، 5 شادیاں کروا چکے ہیں لیکن میری ایک ہی شادی ہے اور وہ طوبی سے ہے۔

عامر لیاقت نے کہاکہ صرف اتنا کہنا چاہتا ہوں کہ تلاش کر نہ سکو گے پھرمجھے وہاں جا کر بھی ، غلط سمجھ کرجہاں تم نے مجھے کھو دیا تھااورکبھی جو مجھے فتوی دینے کا اذن ملے، میں انسان کا انسان کے آگے رونا حرام لکھ دوں ۔ رونا ہے تو صرف خدا کے آگے رولو، آج کل

میں خود کوپڑھتا ہوں لیکن روز چھوڑدیتا ہوں مگر یاد دہانی کیلئے ایک ورق موڑ لیتا ہوں۔ ہونٹ کانپتے ہیں، پلکیں بھیگتی ہیں، تنہائیاں چیختی ہیں لہذا میں ہمیشہ بات ادھوڑی چھوڑدیتا ہوں۔ویڈیو کے اختتام پربھی عامر لیاقت نے شاعرانہ شکوہ کیاکہ تم سے کوئی شکایت نہیں بس ایک التجا ہے ، تم نے جو کیا ہے حال میرا کبھی دیکھنے مت آنا۔