لاہور( این این آئی) پاکستان پیپلز پارٹی نے مسلم لیگ (ن) کی نائب صدر مریم نواز کے انٹرویو پر رد عمل دیتے ہوئے کہا ہے کہ آخر کار بلی تھیلے سے باہر آ ہی گئی،لوگ سوال کرتے تھے کہ پی ڈی ایم کیوں توڑی گئی،پی ڈی ایم اس لئے توڑی گئی کہ عمران کے 5 سال پورے کروانے تھے۔پنجاب کے جنرل سیکرٹری چوہدری منظور احمد نے کہا کہ اگر عمران کے 5 سال پورے ہی کروانے تھے تو لانگ مارچ کا ڈرامہ کس لئے تھا، اگر5 سال پورے ہی کروانے تھے تو استعفوں کا تماشہ کیوں لگایا گیا۔ لوگ بیروزگاری کے ہاتھوں خودکشیاں

کر رہے ہیں اور (ن)لیگ عمران کے 5 سال پورے کروا رہی ہے،عوام مہنگائی کی چکی میں پس رہے ہیں اور مریم بی بی عمران کے 5 سال پورے کروا رہی ہیں۔انہوں نے کہا کہ لوگ کرونا کی ناقص پالیسی سے مر رہے ہیں اور (ن)لیگ عمران کے 5 سال پورے کروا رہی ہے،ہم عمران کے خلاف عدم اعتماد کی تحریک کے قریب پہنچ گئے تھے،اب سمجھ آئی کہ پی ڈی ایم کو شعوری طور پر توڑا گیا تاکہ عمران 5 سال پورے کروا سکیں،(ن) لیگ بتائے کہ 5 سال پورے کروانے کی گارنٹی کس نے کس کو دی ہے۔