پشاور (این این آئی)پشاور ہائی کورٹ نے مسلم لیگ (ن )کے رہنما کیپٹن ریٹائرڈ محمد صفدر کی بغاوت کیس میں ضمانت قبل از گرفتاری کی درخواست پر فیصلہ محفوظ کر لیا۔پشاور ہائی کورٹ میں مسلم لیگ (ن )کے رہنما کیپٹن ریٹائرڈ محمد صفدر کی بغاوت کیس میں
ضمانت قبل ازگرفتاری کی درخواست پر سماعت ہوئی۔عدالتِ عالیہ کے جسٹس لعل جان خٹک اور جسٹس ارشد علی پر مشتمل ڈویژن نے سماعت کی۔کیپٹن ریٹائرڈ صفدر کے وکیل اور نیب پراسیکیوٹر نے اپنے دلائل مکمل کر لیئے۔پشاور ہائی کورٹ نے دونوں فریقین کے دلائل مکمل کرنے پر فیصلہ محفوظ کر لیا۔دورانِ سماعت کیپٹن ریٹائرڈ صفدر روزے کی حالت میں عدالتِ عالیہ میں پیش ہوئے جہاں ان کی اچانک طبیعت ناساز ہوگئی۔طبیعت بگڑنے پر کیپٹن ریٹائرڈ صفدر کو روزہ بھی توڑنا پڑا، جس کےبعد وہ پشاور ہائی کورٹ سے اسلام آباد کے امراضِ قلب کے اسپتال کے لیے روانہ ہو گئے۔
