اسلام (مانیٹرنگ ڈیسک/این این آئی )40سال سے خیبر ایجنسی کے علاقے کا رہائشی سکھ خاندان نے رمضان المبار ک کے موقع پر مسلمان گاہکوں کو انتہائی کم ریٹ پر اشیاء فراہم کر کے تمام مسلمانوں کیلئے بہترین مثال قائم کر دی ۔ نرنجن سنگھ نے کہا ہے کہ ہم رمضان المبارک کے مقدس ماہ کے موقعے پر مسلمانوں کو حکومتی نرخوں سے کم پر چیز بیچتے ہیں ،
یہ دکان بروز جمعتہ المبار ک دن دن احترام میں بند رہتی ہے ۔ نرنجن کا کہنا تھا کہ ہماری کوشش یہ ہوتی ہے کہ مسلمان گاہک کو اچھی اور معیاری چیزبھی کم قیمت پر فروخت کریں ۔ نرنجن سنگھ کا مزید کہنا تھا کہ ملک میں بڑھتی مہنگائی سے ہر عام آدمی کا جینا دو بھر ہو گیا ہے ، بڑھتی مہنگائی اور بیروز گاری میں ہر شخص پریشان حال ہے ۔نرنجن کا کہنا تھا کہ رمضان المبار ک کے موقع پر مسلمانوںسے منافع نہیں کما سکتے بلکہ ہم رمضان المبار ک کے ماہ میں ہر ممکن کوشش کرتے ہیں کہ کسی بھی مسلمان گاہک سے پیسے زیادہ نہ لیے جائیں بلکہ ہماری کوشش ہے کہ صاف ستھری چیز فراہم کریں ۔ اہل علاقہ نے بھی کہا ہے کہ نرنجن سنگھ کا خاندان پچھلے چالیس سالوں سے اپنی روایت پرقائم ہے ۔ نرنجن کی فیملی رمضان المبارک کے علاوہ محرم ، عید میلاالنبیؐ سمیت دیگر تمام مسلمانوں کے تہواروں پر مسلمانوں کو کم قیمت پر اشیاء فراہم کرتی ہے ۔ دوسری جانب پکستان شماریات بیورو نے ہفتہ وار مہنگائی کے اعدادوشمار جاری کر دیئے جس کے مطابق رواں ہفتے کے دوران مہنگائی کی شرح میں 0.54 فیصد اضافہ دیکھا گیا۔ این سی اوسی کے مطابق مہنگائی کی شرح سالانہ بنیاد پر 18.89 فیصد تک پہنچ گئی ،ایک ہفتے کے دوران 16 اشیا کی قیمتوں میں اضافہ 11 میں کمی اور 24 میں استحکام رہا۔ادارہ شماریات کے مطابق ایک ہفتے میں کیلے 15.5 فیصد، ٹماٹر 15 فیصد ،آلو 7 ،آٹے کا تھیلے 2.71 اور چکن 80 پیسے مہنگا ہوا ،لہسن 4 فیصد ،مختلف دالیں 2.58 سے 2 فیصد سستی اور ایل پی جی 1 فیصد سستی ،ایک ہفتے میں 20 کلو آٹے کا تھیلا 26 روپے 9 پیسے مہنگا ہوا، آٹا کا 20کلو تھیلا 988 روپے سے زائد کا ہوگیا، ایک ہفتے میں ٹماٹر کی فی کلو قیمت میں 6 روپے 16 پیسے کا اضافہ ریکارڈ کیا گیا، ایک ہفتے میں کیلے 16 روپے درجن، آلو 3 روپے 17 پیسے فی کلو مہنگے ہوئے، بیف 5 روپے فی کلو اور مٹن 7 روپے 28 پیسے فی کلو مہنگا ہوا، ایک ہفتے میں چاول،زندہ مرغی، گھی اور خوردنی تیل بھی مہنگا ہوا، ایک سال کے دوران سرخ مرچ 139 فیصد ،چکن 91 فیصد اور ٹماٹر 77 فیصد مہنگے ہوئے ،ایک سال میں بجلی کے نرخ 67 فیصد،انڈے 47 اور کیلے 35 فیصد مہنگے ہوئے ۔
