خیبر پختونخوا (مانیٹرنگ ڈیسک )خیبر پختونخواہ میں کرونا فرنٹ لائن ہیلتھ ورکرز کاکل سے ڈیوٹی سے بائیکاٹ کا اعلان ۔تفصیلات کے مطابق نرسز الائنس کے ترجمان ناصر علی شاہ کا کہنا ہے کہ مطالبات کے لیے خیبرپختونخوا اسمبلی چوک پر دھرنا دیں گے،

محکمہ صحت کو ایک مہینے کا وقت دیا گیا مگر کچھ نہ ہوا۔نجی ٹی وی ہم نیوز کے مطابق انہوں نے کہا کہ صوبہ بھر سے تمام نرسز سروسز کا بائیکاٹ کرکے پشاور پہنچ جائیں گے ۔ اسپتالوں میں پہلے ہی ہیلتھ ورکرز کی کمی ہے۔ ترجمان نرسز الائنسز ناصر علی شاہ کا مزید کہنا تھا کہ ابھی تک پروموشن، سروس اسٹرکچر، ایم ٹی آئی نرسز ریگولاریزیشن کے مطالبات پر یقین دہانی نہیں ہوئی۔ناصر علی شاہ نے کہا کہ مطالبات میں نرسزکی ریکروٹمنٹ، نرسز کیلئے الگ ڈائیریکٹریٹ اور انٹرنشپ کی سیٹس بھی شامل ہیں۔خیال رہے کہ خیبر پختونخوا نرسنگ ایسوسی ایشن کی جنرل سیکرٹری انور سلطانہ نے رواں ماہ کے وسط میں کہا تھا کہ اگر حکومت نے ہمارے مطالبات تسلیم نہ کیے تو 30 مارچ کو صوبائی اسمبلی سامنے دھرنا دیں گے۔