اسلام آباد (مانیٹرنگ ڈیسک )دولہا دلہن کی اپنی شادی پر تقریب میں داخل ہوتے وقت گود میں اٹھائے 2ماہ کے بچے کی تصویر سوشل میڈیا پر وائرل ہو گئی ۔ تفصیلات کے مطابق 23مارچ کو 26سالہ وکیل ریان رئوف شیخ اور ان کی اہلیہ کی شادی کی تقریب ہوئی جس میں شرکت کے وقت دونوں نے گود میں ایک دوماہ کا بچہ اٹھا رکھا تھا ، تصویر سوشل میڈیا پر دیکھ کر

صارفین نے دلچسپ کمنٹس کرنا شروع کر دیئے ۔ اس حوالے سے ایک صارف شہزاد نے ٹویٹر پیغام میں لکھا کہ ’’یہ پاکستان کا شاید پہلا بچہ ہوگا جو اپنے والدین کی ولیمے میں شرکت کررہا ہے، انکا کہنا تھا کہ ارے حوصلہ رکھیں جو آپ سوچ رہیں ہیں ایسی کوئی بات نہیں، شہزاد نے مزید لکھا کہ حافظ آباد کے جوڑے نے پچھلے سال نکاح کیا لیکن لاک ڈاؤن کی وجہ سے ولیمہ نہ ہوسکا لہذا اب یہ اپنے نئے مہمان کیساتھ ولیمہ میں شریک ہیں۔اپنی شادی کے حوالے سے ریان رئوف نے برطانوی نشریاتی ادارے کو کہا کہ ان کی شادی گزشتہ سال 14مارچ کو ہونے تھی لیکن حکومت کی جانب سے کرونا وائرس کے ریکارڈ کیسز سامنے آنے کے بعد پابندی کی وجہ سے منسوخ کرنا پڑا ۔ ہم چاہتے تھے ہمارے بیرون ممالک شریک رشتہ دار بھی ولیمہ کی تقریب میں شامل ہوجائیں لیکن کرونا وائرس کی وجہ سے ایسا نہیں ہو سکا ، انکا کہنا تھا ستمبر، اکتوبر میں نرمی کی گئی لیکن اس وقت میری اہلیہ حاملہ تھی اور ہمیں یہ ڈر تھا کہ کہیں ہمیں نظر نہ لگ جائے