ریاض (این این آئی)سعودی عرب کی وزارت مذہبی امور نے بتایا ہے کہ مملکت میں کرونا کی وبا کے خطرے کے پیش نظر پانچ مساجد کو نماز کے لیے بند کیا گیا ہے جب کہ 141مساجد کو جراثیم کش اسپرے اور دیگر حفاظتی اقدمات کے بعد کھول دیا گیا ہے۔میڈیارپورٹس کے مطابق
وزارت مذہبی امور کی طرف سے جاری ایک بیان میں کہا گیا کہ چار علاقوں میں کرونا کے 13کیسز سامنے آنے کے بعد وہاں پر 5 مساجد کو نماز کے لیے سیل کیا گیا ہے۔ٹوئٹر پر جاری بیان میںکہا گیا کہ گذشتہ ہفتوں کے دوران کرونا وبا کے باعث مجموعی طور پر 158مساجد کو سیل کیا گیا تھا جن میں سے 141 کو کھول دیا گیا۔وزارت مذہبی امور کے مطابق مساجد کی بندش کا مقصد شہریوں کی جانوں کے حفاظت کو یقینی بنانا اور مساجد میں عبادت کے لیے آنے والے عبادت گزاروں کی صحت کو برقرار رکھنا ہے۔
